მატიტელა (Спорыш) (Роlуgоnum aviculare) ჯანმრთელობა და მედიცინა

მატიტელა (Спорыш) (Роlуgоnum aviculare).

მატიტელას ბალახი გამოიყენება როგორც დიურეზული, სისხლდენის შემაჩერებელი, შემკვრელი.
მატიტელას პრეპარატები გამოიყენება მეანობა-გინეკოლოგიაში, როგორც სისხლდენის შემაჩერებელი საშუალება. მისი სპირტიანი და წყლიანი ხსნარები აჩქარებს სისხლის შედედებას. ამცირებს სისხლის წნევას, ზრდის საშვილოსნოს ტონუსს და აძლიერებს დიურეზს.
მატიტელას ბალახი გამოიყენება ავთვისებიანი წარმონაქმნების დროს.
მატიტელას გამოყენება აქვს ვეტერინარულ პრაქტიკაში. მას იყენებენ ჭრილობების სადეზინფექციოდ.
პროფ. ზ.შენგელიას მოხსენიებული აქვს ქართულ ხალხურ მედიცინაში მისი გამოყენება გველის ნაკბენის საწინააღმდეგოდ, ასევე პანკრეასის ჯირკვლის ანთების სამკურნალოდ.
მატიტელა ხელს უწყობს თირკმელებიდან სილისა და კონკრემენტების გამოდევნას. მას იყენებენ ჰემოროის, თავის ტკივილის, სხვადასხვა სახის კრუნჩხვების, კუჭ-ნაწლავის ტრაქტის დაავადებების დროს. მატიტელას გამოყენება რეკომენდირებულია ფილტვების დაავადებისას. არსებობს მოსაზრება, რომ იგი ხელს უწყობს შემაერთებელი ქსოვილის წარმოქმნას, რის გამოც იგი გამოიყენება კუჭის წყლულის დროს.
უკუნაჩვენებია მატიტელას გამოყენება თირკმელებისა და საშარდე გზების მწვავე ანთებითი დაავადებების დროს (მასში შემავალი სილიციუმის მჟავის ნაერთების გამაღიზიანებელი მოქმედების გამო).

სტატია მოგვაწოდა მაიკო ლომსაძემ