ქრისტესისხლა (Чистотел) (Chelidonium) ჯანმრთელობა და მედიცინა

ქრისტესისხლა (Чистотел) (Chelidonium).

ქრისტესისხლას ახასიათებს ნაღველმდენი, სპაზმოლიზური და ტკივილ გამაყუჩებელი მოქმედება. იგი შედის მრავალი პრეპარატის შემადგენლობაში.
ქრისტესისხლას სპაზმოლიზური აქტივობა გამოწვეულია მასში შემავალ ალკალოიდ ხელიდონინით, რომელსაც ამის გარდა გააჩნია ცენტრალურ ნერვულ სისტემაზე დამამშვიდებელი მოქმედება, რის გამოც იგი ავლენს ტკივილგამაყუჩებელ და დამამშვიდებელ ეფექტს. ხელიდონინის გავლენით ადგილი აქვს ტკივილგამაყუჩებელ მოქმედებას, დოზის გადიდებისას ეს ეფექტი გადადის ნარკოზში.
ალკალოიდი ჰომოგელიდონინი ხასიათდება საანესთეზიო მოქმედებით, თუმცა ამ მიზნით არ იყენებენ, ვინაიდან მისი მაღალი დოზებით გამოყენება იწვევს კრუნჩხვებს.
ალკალოიდ სანგვინარინს ახასიათებს ანტიქოლინესთერაზული მოქმედება, რის გამოც მისი ზემოქმედებით ძლიერდება საჭმლის მომნელებელი ტრაქტის მოტორული ფუნქცია და ნერწყვის გამოყოფა. ქრისტესისხლას ფესურაში აღმოჩენილი ალკალოიდი ბერბერინი, რომელიც ფლობს ქოლერეტულ აქტივობას. ალკალოიდი პროტოპინი კი ზრდის საშვილოსნოს კუნთების ტონუსს.
ხალხურ მედიცინაში ქრისტესისხლა გამოიყენება უძველესი დროიდან. მცენარის მიწისზედა ნაწილის წვენი გამოიყენება მეჭეჭების, კოჟრების, პიგმენტური ლაქების მოსაშორებლად, ასევე კანის ტუპერკულოზის დროს, ძნელად შეხორცებად ჭრილობების ეპითელიზაციის დასაჩქარებლად.
ქრისტესისხლას ნახარში ბულგარული მედიცინის მიერ მოწოდებულია, როგორც დიურეზული საშუალება ასციტის დროს, რომელიც დამახასიათებელია ღვიძლის ციროზისათვის.

სტატია მოგვაწოდა მაიკო ლომსაძემ