კლიმაქსი klimaqsi ჯანმრთელობა და მედიცინა

კლიმაქსი

კლიმაქსი აქვთ ქალებსა და მამაკაცებსაც.
მამაკაცებში კლიმაქსის ნიშნები ჩნდება 50-60 წლის ასაკში.
ქალის კლიმაქტერული პერიოდი იწყება 45-50 წლის ასაკში. ზოგჯერ უფრო ადრეც. ამ პერიოდში თანდათან წყდება მენსტრუაცია, საშვილოსნოსა და საკვერცხეების ფუნქცია ისპობა. ეს პერიოდი ზოგჯერ 10 წლამდე გრძელდება.
კლიმაქსის პერიოდში ქალს უჩნდება მრავალი უსიამოვნო შეგრძნებები: თავის ტკივილი, ალები, გაღიზიანებადობა, უძილობა, სისხლის წნევის მომატება. ეს სიმპტომები ხსირად 1-2 წელში გაივლის. ქალი კვლავ ჯანმრთელად გრძნობს თავს.
კლიმაქსის დროს ქალი უნდა მოერიდოს გადაღლას, ზედმეტ საკვებს, უნდა აიკრძალოს ალკოჰოლის, ჩაის, ყავის გამოყენება.
კლიმაქსის დამახასიათებელი სიმპტომებია: გულის აჩქარება, ტკივილი გულის მიდამოში, პულსაციის შეგრძნება თავში, თავბრუხვევა, სისხლის წნევის ცვალებადობა, მეხსიერების დაქვეითება, უძილობა, შიშები, ნევროზები და სხვა. ეს ყველაფერი გამოწვეულია კლიმაქსის პერიოდში სისხლში ჰორმონების დეფიციტით. ამ დროს სულ უფრო და უფრო ნაკლებად გამოიმუშავებენ ჰორმონებს შინაგანი სეკრეციის ჯირკვლები.
კლიმაქსის პერიოდის სირთულე დამოკიდებულია ორგანიზმის მდგომარეობაზე, ცხოვრების წესზე, კვებასა და სხვა.
კლიმაქსის ნიშნების გამოვლინებისთანავე აუცილებელია მკურნალობა ექიმთან, რომელიც დაგეხმარებათ ამ ცვლილებების იოლად გადატანაში.

კლიმაქსის მკურნალობა ხალხური მეთოდებით

წიწმატურა
იღებენ 30 გ წიწმატურას, ასხამენ 1 ჩაის ჭიქა მდუღარე წყალს, აჩერებენ 1 სთ, შემდეგ წურავენ.
მიღება: 1/2 ჩაის ჭიქა დღეში 3-ჯერ.

კუნელი
ა) იღებენ 3 სუფრის კოვზ კუნელის ყვავილს, ასხამენ 3 ჩაის ჭიქა ცივ წყალს, აჩერებენ 30 წთ, წურავენ.
მიღება: 1 ჩაის ჭიქა დილით უზმოზე, დანარჩენ დროს ჭამის შემდეგ.
ბ) კუნელის ყვავილების სპირტიან ნაყენს ღებულობენ დღეში 3-ჯერ (40 წვეთი ცოტა წყლით).

კატაბალახა (ვალერიანი)
კლიმაქტერულ პერიოდში ღებულობენ ასეთ ნარევს:
ვალერიანის წვეთები - 20 წვ. კუნელის ყვავილების ნახარში - 20 მლ. პიტნის წვეთები - 15 წვ.
მიღება: დღეში 3-ჯერ.

პიტნა
კლიმაქტერულ პერიოდს უხდება დილა-საღამოს პიტნის ჩაის დალევა.

სისხლდენა კლიმაქსის პერიოდში

წიწმატურა
იღებენ 1 სუფრის კოვზ წიწმატურას, ასხამენ 1 ჩაის ჭიქა მდუღარეს, აჩერებენ 1 სთ, წურავენ და მთლიანად სვამენ. ამ ნაყენს ღებულობენ სამკურნალოდ სისხლდენის შეჩერებამდე.
ჭინჭარი
ჭინჭრის ნახარშის, ნაყენის ან საკვების სახით მიღება შველის სისხლდენებს მთელ ორგანიზმში.
კლიმაქსური ნევროზები

თავშავა
* იღებენ 2 სუფრის კოვზ თავშავასა და ასხამენ თერმოსში 2 ჩაის ჭიქა მდუღარეს. ღებულობენ 3 მიღებაზე 20-30 წუთით ადრე ჭამამდე.
* 10 გ ბალახს ასხამენ 150 მლ 700-იან სპირტს. აჩერებენ 7-10 სთ. ბნელ ადგილას ოთახის ტემპერატურაზე. ღებულობენ 30-40 წვეთს ცოტა წყლით დღეში 3-4-ჯერ.
თავშავას ნაყენი მოქმედებს დამამშვიდებლად ცენტრალურ ნერვულ სისტემაზე კლიმაქსის პერიოდში.
თავშავას მიღება არ შეიძლება ორსულებისათვის.

სალბი
1-2 ს.კ. სალბს ასხამენ 2 ჩაის ჭიქა მდუღარეს. აჩერებენ. 1-2 სთ.
ხალხურ მედიცინაში სალბს იყენებენ უნაყოფობის, კლიმაქსური ჩივილების დროს.

მაყვალი
მაყვლის კენკრა და მისი ჩაი კარგი დამამშვიდებელი საშუალებაა კლიმაქტერულ პერიოდში ნერვული მოშლილობის დროს.

კუნელი (წითელი)
* 3 სუფრის კოვზ კუნელის ყვავილს ასხამენ 3 ჭიქა (200 მლ) მდუღარე წყალს. 1 საათის შემდეგ წურავენ.
მიღება: 1 ჭიქა ნაყენი დღეში 3-ჯერ გულის დაავადებების, თავბრუხვევების, სულის ხუთვის, კლიმაქსური ჩივილების დროს.
* კუნელის ნაყოფსა და ყვავილს იღებენ თანაბარი რაოდენობით. ურევენ კარგად. 3 სუფრის კოვზ ნარევს ასხამენ 3 ჩაის ჭიქა მდუღარე წყალს. აჩერებენ 2 სთ ბნელ ადგილზე და წურავენ.
მიღება: 1 ჭიქა დღეში 3-ჯერ ჭამამდე 30 წუთით ადრე ან ჭამიდან 1 საათის შემდეგ.
ამ ნაყენის მიღება შეიძლება გამოჯანმრთელებამდე.

კატაბალახა (ვალერიანი)
5 გრ ვალერიანის ძირებს ასხამენ 1 ჩაის ჭიქა მდუღარე წყალს, აჩერებენ 2 სთ. წურავენ. ღებულობენ ნახევარ ჩაის ჭიქას. დილასა და საღამოს ძილის წინ. ეს საშუალება ხსნის სისხლის მოწოლას თავში კლიმაქტერულ პერიოდში.
მკურნალობა ლიმონით და კვერცხის ნაჭუჭით
10 ც ლიმონს ატარებენ ხორცსაკეპ მანქანაში კანიანად და ურევენ 5 კვერცხის თეთრ ნაჭუჭს (დაფქვილი). აჩერებენ 7-10 დღე. წურავენ, ღებულობენ 2 სუფრის კოვზს დღეში 3-ჯერ კლიმაქტერულ პერიოდში მთელი თვის განმავლობაში.

შენიშვნა: გირჩევთ გაიაროთ სრული დიაგნოსტიკა, რადგან არცერთი დაავადება ერთ ორგანოში არ წარმოიშვება სხვა ორგანოებში დარღვევების გარეშე. მხოლოდ კომპლექსური მკურნალობის შემთხვევაში აქვს ამ რეცეპტს დადებითი შედეგი.
გაგიჩნდათ კითხვები - მიმართეთ საიტის ფორუმს!

სტატიის ავტორი: მაიკო ლომსაძე, სრული პროფესორი, დოქტორი