იმპოტენცია impotencia ჯანმრთელობა და მედიცინა

იმპოტენცია

იმპოტენცია არის სქესობრივი უძლურება, რომელიც დაკავშირებულია სასქესო ფუნქციის დარღვევასთან. ეს დაავადება შეიძლება გამოიწვიოს ხერხემლის ტრავმამ, ალკოჰოლმა, მედიკამენტებმა (საძილე, დამამშვიდებელი), დიაბეტმა ან სიმსუქნემ. ხშირად სქესობრივი უძლურება ემოციური დაძაბულობის, სტრესების შედეგია. არანაკლები მიზეზია ვენერიული დაავადებები (სიფილისი, გონორეა).

იმპოტენციის სამკურნალოდ ხალხური მედიცინა გვირჩევს:

ხახვი
ხახვის მიღება უმად ან ნაყენის სახით აძლიერებს სასქესო ორგანოების ფუნქციას.
იღებენ 2-3 თავ ხახვს. აქუცმაცებენ და ასხამენ 400 მლ წყალს.
მიღება: 100 მლ 3-ჯერ დღეში.
შენიშვნა: ეს საშუალება არ უხდებათ კუჭ-ნაწლავით დაავადებულებს. არ არის რეკომენდებული აგრეთვე გულ-სისხლძარღვთა დაავადებების დროს.

ოხრახუში და ქინძი
ოხრახუშსა და ქინძს იღებენ თანაბარი რაოდენობით, ჭრიან წვრილად და ღებულობენ მუდმივად დღეში რამდენჯერმე თითო სუფრის კოვზს საჭმელთან ერთად.

კაკალი
ატარებენ ნიგოზს ხორცსაკეპ მანქანაში, ამატებენ თაფლს და იყენებენ 2 ჩაის კოვზს დღეში 2-3-ჯერ ჭამიდან 30 წუთის შემდეგ. აყოლებენ რძეს.
მკურნალობის კურსი 20-30 დღეა.

შავბალახა
ა) იღებენ 1 სუფრის კოვზ დაქუცმაცებულ შავბალახას ასხამენ 2 ჭიქა ცივ, ანადუღარ წყალს. აჩერებენ 8 სთ. ღებულობენ 1/2 ჭიქას დღეში 3-ჯერ ჭამის წინ.
ბ) იმპოტენციას შველის აგრეთვე შავბალახას ცოცხალი წვენის მიღება. (40 წვეთი 1 კოვზი წყლით დღეში 3-ჯერ).

ფუტკრის რძე
იმპოტენციას შველის ფუტკრის რძე, რომელსაც ღებულობენ დღეში 2-3-ჯერ 1 გრამს.

სვია
1 ჩაის კოვზ სვიის მშრალ გირჩებს ასხამენ 1 ჩაის ჭიქა მდუღარე წყალს და ხარშავენ დახურულ ემალის ჭურჭელში ნელ ცეცხლზე 5 წუთის განმავლობაში. მკურნალობის კურსი 10 დღეა.
კრაზანა
კრაზანა (ბალახს) აქუცმაცებენ, ასხამენ არაყს (1:5) და აჩერებენ 15 დღე.
მიღება: 40 წვეთი 3-4-ჯერ დღეში.

სტაფილო
სასქესო ორგანოების ფუნქციის დაქვეითების დროს ღებულობენ სტაფილოს ახალგამოწურულ წვენს. უმატებენ თაფლს და ღებულობენ სუფრის კოვზით 4-5-ჯერ დღეში.

ნიორი
2-3 კბილ ნიორს ღებულობენ დღის განმავლობაში. აძლიერებს სქესობრივ აქტივობას და აღადგენს სასქესო ჯირკვლების ფუნქციას.

ჟენ შენი - ადამის ფესვი
ამზადებენ ჟენ-შენის ფესვების 50-600-იან სპირტიან ნაყენს, (1:10) ფოთლებით დამზადების შემთხვევაში საჭიროა თანაფარდობა 2:10.
მიღება: 15-20 წვეთი დღეში 3-ჯერ ერთი თვის განმავლობაში.

შენიშვნა: გირჩევთ გაიაროთ სრული დიაგნოსტიკა, რადგან არცერთი დაავადება ერთ ორგანოში არ წარმოიშვება სხვა ორგანოებში დარღვევების გარეშე. მხოლოდ კომპლექსური მკურნალობის შემთხვევაში აქვს ამ რეცეპტს დადებითი შედეგი.
გაგიჩნდათ კითხვები - მიმართეთ საიტის ფორუმს!

სტატიის ავტორი: მაიკო ლომსაძე, სრული პროფესორი, დოქტორი