ჰემოროი ანუ ბუასილი ჯანმრთელობა და მედიცინა

ჰემოროი ანუ ბუასილი

ჰემოროი ანუ ბუასილი სწორი ნაწლავის ქვედა ნაწილის ვენების კვანძოვანი გაფართოებაა. ამ დაავადებას იწვევს ხშირი შეკრულობა, მჯდომარე ცხოვრების წესი, სწორ ნაწლავში ანთებითი პროცესები. ავადმყოფს აწუხებს წვა, ტკივილი, ზოგჯერ სისხლდენაც.

რჩევები ჰემოროის დროს
1 .შეკრულობა (ყაბზობა) უნდა განიკურნოს.
2. კუჭში გასვლა არ უნდა ხდებოდეს ძალდატანებით.
3. აუცილებელია ჰიგიენის დაცვა. კუჭში გასვლის შემდეგ უკანა ტანი უნდა გასუფთავდეს ცივი წყლითა და სარეცხი საპნით.
4. შეკრულობის საწინააღმდეგოდ ყველაზე კარგი საშუალებაა სენნას ფოთოლი.
5. არ შეიძლება მწარე საჭმელები, მდოგვი, კომბოსტო, შავი პური, პარკოსნები და მკვახე ნაყოფი.
6. სასარგებლოა კარტოფილი, ყვავილოვანი კომბოსტო, ბრინჯი, ხორცი (ძროხის, ქათმის), თევზი, თაფლი.
7. უზმოზე 1-2 ჭიქა შრატი კარგი საშუალებაა ჰემოროის დროს.

ჰემოროის მკურნალობა ხალხური მედიცინის რეცეპტებით

გვირილა
2-3 სუფრის კოვზ გვირილის ყვავილებს ასხამენ 1 ჩაის ჭიქა მდუღარე წყალს, აჩერებენ 1 სთ. წურავენ და იდებენ საფენებს ჰემოროიდულ კვანძებზე, იქამდე, სანამ სულ არ შეხორცდება.

კარტოფილის სანთლები
კარტოფილისაგან ამზადებენ სანთლებსა და იკეთებენ ყოველდღე ძილის წინ. წინასწარ ირეცხავენ სწორ ნაწლავს 1/2 ჭიქა ცივი წყლით.

ფარსმანდუკი
აქუცმაცებენ ფარსმანდუკსა და ასხამენ სპირტს (ქილაში), აჩერებენ 2 კვირა, ღებულობენ 30 წვეთს ცოტა წყლით დღეში 3-ჯერ. აჩერებს სისხლდენას.

ჭინჭარი
2 სუფრის კოვზ ჭინჭრის მშრალ ფოთლებს ასხამენ 1 ჩაის წიქა მდუღარეს, აჩერებენ 1 სთ. წურავენ. ღებულობენ 1/2 ჭიქას დღეში 2-ჯერ.
ძახველი
4 ჩაის კოვზ ძახველის დაქუცმაცებულ ქერქს ასხამენ 1 ჩაის ჭიქა წყალსა და ადუღებენ 30 წთ. წურავენ და უმატებენ ანადუღარ წყალს პირველ მოცულობამდე.
მიღება:L1 სუფრის კოვზი დღეში 3-ჯერ ჭამამდე.

შენიშვნა: გირჩევთ გაიაროთ სრული დიაგნოსტიკა, რადგან არცერთი დაავადება ერთ ორგანოში არ წარმოიშვება სხვა ორგანოებში დარღვევების გარეშე. მხოლოდ კომპლექსური მკურნალობის შემთხვევაში აქვს ამ რეცეპტს დადებითი შედეგი.
გაგიჩნდათ კითხვები - მიმართეთ საიტის ფორუმს!

სტატიის ავტორი: მაიკო ლომსაძე, სრული პროფესორი, დოქტორი