დასავლური მედიცინა ჯანმრთელობა და მედიცინა

დასავლური მედიცინა

     იგი წარმოიშვა და განვითარდა ევროპაში და სადღეისოდ ფართოდ არის განვრცელებული მსოფლიოს განვითარებულ ქვეყნაბში. დასავლური მედიცინა თავის ძალისხმევას პირდაპირ ორგანოზე ან დაავადებაზე წარმართავს. თუ მაგალითად ადამიანს გული აქვს დაავადებული, მაშინ დასავლური მედიცინის წარმომადგენლები მას პირდაპირ გულის სამკურნალო საშუალებებს უნიშნავენ. მართალია მთელი ორგანიზმის გამაჯანსაღებელ საშუალებებსაც იყენებენ, მაგრამ ამას მეორე ხარისხოვანი დატვირთვა აქვს. ასეთი მიდგომის დადებით თვისებად თვლიან დაავადების შედარებით მოკლე დროში შემცირებას.
     დასავლური მედიცინის ძირითადი მიღწევები გამოკვეთილად ჩანს ქირურგიაში და, თანამედროვე ტექნიკის წყალობით, დიაგნოსტიკაში. სამწუხაროდ თერაპია ამით ვერ დაიკვეხნის. ცალკე აღნიშვნის ღირსია თანამედროვე ქიმიის მიღწევების ფარმაცევტულ მრეწველობაში გამოყენება. სინთეზური და კომპოზიციური წამლები იმდენად ფართოდ გამოიყენება, რომ ადამიანის საერთო ჯანმრთელობა საფრთხის ქვეშ დგება.
     ქიმიური მეთოდებით დამზადებული წამლების უარყოფითი შედეგების უკეთ გასაგებად საჭიროა უფრო დაწვრილებით შევეხოთ ამ საკითხს.
     ბუნებაში არსებული ყველა არსებასთან შედარებით ადამიანი გამოირჩევა აგებულების სირთულით და სრულყოფით. ადამიანი მრავალფუნქციური და მოაზროვნე არსებაა. დედამიწის რთულ გარემოში სიცოცხლის უნარიანობისა და არსებობისათვის იგი აღჭურვილი არის ძლიერი დამცავი მექანიზმით, რაც კარგად ჩანს საჭმლის მიღების პროცესში. ორგანიზმში მოხვედრამდე საკვები სამ დამცავ ბარიერს გაივლის: ჯერ იგი მოწმდება ვარგისიანობაზე პირში გემოვნების მიხედვით - თუ არ მოგვეწონა, მაშინ ჩვენ მას უკან გადმოვაგდებთ. შემდეგ ამისა საკვები მოწმდება კუჭში შესაბამისი ფერმენტებით, აქაც ტესტირებით დაწუნების შემთხვევაში ორგანიზმი მას იშორებს პირღებინებით. და ბოლოს, საკვების ვარგისიანობა მოწმდება ნაწლავებში - თუ იქ ვერ დააკმაყოფილებს ვარგისიანობის მოთხოვნებს, მაშინ კუჭის აშლით გარეთ გამოიდევნება.
     ეს შემოწმების სისტემა გათვლილია ბუნებრივად შექმნილი საკვებისათვის - ცხოველური თუ მცენარეული წარმოშობის საკვებისათვის. ამდენად, ხელოვნური გზით მიღებული პროდუქტი, იქნება ეს ქიმიური სინთეზური წამალი, თუ გენმოდიფიცირებული საკვები, ორგანიზმის შესამოწმებელი სისტემისათვის უცნობი რჩება. ამიტომ ისინი თითქმის უპრობლემოდ შეითვისებიან ორგანიზმის მიერ და ასევე ძნელად გამოიდევნებიან სხეულიდან. ამის ნათელი მაგალითია ქიმიური წამლებით ტოქსიკოზი (მოწამვლა), რომლის განკურნებაც ძალიან ძნელად მიმდინარეობს, საჭირო ხდება დიდი ხნის განმავლობაში ორგანიზმის გარეცხვა შესაბამისი გამანეიტრალებელი რეაგენტებით (საშუალებებით).
     კაცობრიობისათვის განსაკუთრებით დიდ საშიშროებას ქმნის გენური ინჟინერიით მიღებული პროდუქტების საკვებად მოხმარება. ჯერ კიდევ ბოლომდე არც კია შესწავლილი ასეთი პროდუქტების ადამიანზე დამღუპველი ზემოქმედების შედეგები. ამ მხრივ აღსანიშნავია ევროკავშირის გადაწყვეტილება, ასეთი გენმოდიფიცირებული საკვები პროდუქტების მის ტერიტორიაზე შეტანის აკრძალვაზე. სამწუხაროდ, დიდ მოგებას დახარბებული მწარმოებელი ფირმები მესამე რიგის ქვეყნებში, მათ შორის საქართველოშიც, ფართოდ ნერგავენ გადაგვარებული (გენმოდიფიცირებული) საკვები მცენარეების გამრავლებას და ასეთი მცენარეებით გამოკვებილი შინაური ცხოველების ხორცის საკვებად გამოყენებას.
     ეს დამღუპველი ტექნოლოგიაა!

სტატიის ავტორი: მაიკო ლომსაძე, სრული პროფესორი, დოქტორი