საჭმლის მომნელებელი ფერმენტები ჯანმრთელობა და მედიცინა

საჭმლის მომნელებელი წვენები და ფერმენტები.

ყველა მომნელებელი წვენი (რომლებიც გამოიყოფა მომნელებელ ჯირკვლების მიერ), შეიცავს ფერმენტებს, რომლებიც აკონტროლებენ საკვების დაშლას მარტივ, ხსნად ნივთიერებებად. მათ საჭმლის მომნელებელი ფერმენტები ეწოდება და სამ ჯგუფად იყოფიან:

ამილაზები (ანუ დიასტაზები), რომლებიც ხელს უწყობენ ნახშირწყლების დაშლას;
პროცეინაზები, რომლებიც იწვევენ ცილების დაშლას ამინომჟავებად;
ლიპაზები - ხელს უწყობენ ცხიმების დაშლას გლიცერინებად და ცხიმოვან მჟავებად.

საჭმლის მომნელებელი წვენები:

ნერწყვი- წარმოიქმნება სანერწყვე ჯირკვლების მიერ პირის ღრუში.
კუჭის წვენი - წარმოიქმნება კუჭის ჯირკვლების მიერ კუჭის ლორწოვან გარსში და გამოიყოფა კუჭში.
ნაღველი - წარმოიქმნება ღვიძლის მიერ, გროვდება ნაღვლის ბუშტში და გამოიყოფა წვრილ ნაწლავში.
ნაწლავის წვენი - წარმოიქმნება ნაწლავის ჯირკვლების მიერ წვრილი ნაწლავის ლორწოვან გარსში, გამოიყოფა წვრილ ნაწლავში.
პანკრეასის წვენი - წარმოიქმნება პანკრეასის მიერ წვრილ ნაწლავში.

საჭმლის მომნელებელი ფერმენტები.
ნერწყვი - შეიცავს ფერმენტ ამილაზას, რომელიც მოქმედებს ნახშირწყლების, სახამებლის და გლიკოგენის დაშლაში.
კუჭის წვენი შეიცავს:

ფერმენტ პეპსინს - იგი შლის ცილებს;
ფერმენტ რენინს - იგი გვხვდება მხოლოდ ახალგაზრდებში. კალციუმთან ერთად ის მონაწილეობს რძემჟავას დაშლაში;
ფერმენტ მარილმჟავას, რომელიც ააქტიურებს პეპსინს და ხოცავს ბაქტერიებს;
ფერმენტი კუჭის ლიპაზა, რომელიც იწვევს რძის პროდუქტებში ცხიმების მოლეკულების დაშლას.

პანკრეასის წვენის ფერმენტებია: ტრიპსინი, ქიმოტრიპსინი, კარბოქსიპეპტიდაზა (რომლებიც შლიან ცილებს), პანკრეასული ამილაზა (შლის ნახშირწყლებს) და პანკრიასული ლიპაზა (შლის ცხიმების ნაწილაკებს).
ნაღველის ფერმენტებია ნაღვლის მარილები და ნაღველის მჟავები, რომლებიც შლიან ცხიმებს უფრო მცირე ნაწილაკებად. ამ პროცესს ემულსიკაცია ეწოდება.
ნაწლავის წვენის ფერმენტებია: მალატაზა (შლის მალტოზას), სუკრაზა (შლის ლერწმის შაქარს), ლაქტაზა (შლის ლაქტოზას), ენტეროკირაზა (შლის ცილებს).

შენიშვნა: გირჩევთ გაიაროთ სრული დიაგნოსტიკა, რადგან არცერთი დაავადება ერთ ორგანოში არ წარმოიშვება სხვა ორგანოებში დარღვევების გარეშე. მხოლოდ კომპლექსური მკურნალობის შემთხვევაში აქვს ამ რეცეპტს დადებითი შედეგი.
გაგიჩნდათ კითხვები - მიმართეთ საიტის ფორუმს!

სტატიის ავტორი: მაიკო ლომსაძე, სრული პროფესორი, დოქტორი

სხვა სტატიები მსგავს თემაზე
ცენტრალური ნერვული სისტემა
თავის ტვინი
თვალი
გული
ფილტვები
ღვიძლი და ნაღვლის ბუშტი
ელენთა
კუჭი
კუჭქვეშა ჯირკვალი (პანკრეასი)
ნაწლავები
თირკმელები
შარდის ბუშტი
ხერხემალი
ყური
ჰორმონები
ანტისხეულები
ჯირკვლები
წინამდებარე ჯირკვალი