აღმოსავლური მედიცინა ჯანმრთელობა და მედიცინა

აღმოსავლური მედიცინა

     იგი ემყარება იბერიულ (კოლხურ), ძველ ეგვიპტურ, ტიბეტურ და ჩინურ მედიცინას და რომლის არსიც მდგომარეობს შემდეგში:
     - ადამიანი რთული სისტემაა, შეიცავს მრავალ ერთმანეთთან კავშირში მყოფ ორგანოს და ნაწილს;
     - სისტემის რომელიმე ნაწილში წარმოშობილი დარღვევა (დაავადება) იწვევს მთელ სისტემაში (ადამიანში) მეტ-ნაკლებ ცვლილებებს;
     - სისტემის მმართველ ცენტრებში (ადამიანის თავის და ზურგის ტვინებში) ჩადებულია ძლიერი მარეგულირებელი რეზერვები, სისტემაში (ადამიანში) წარმოშობილი დარღვევების (დაავადებების) აღმოსაფხვრელად;
     - თითოეულ ნაწილს (ორგანოს) ასევე გააჩნია თავისი რეზერვები, რომლებიც დარღვევების (დაავადებების) მოსახსნელად (სამკურნალოდ) გამოიყენება;
     - ორგანოებს (ნაწილებს) შორის ძლიერი ურთიერთ კავშირები და ურთიერთ დამოკიდებულებებია, რომელიმე მათგანში წარმოშობილი დარღვევა (დაავადება) ამ ნაწილთან (ორგანოსთან) დამოკიდებულებაში მყოფ ნაწილებში (ორგანოებში) იწვევს კოლექტიური დახმარების რეაქციებს;
     ზემოთ მოყვანილ პრინციპებზე დაფუძვნებით, აღმოსავლური მედიცინა შემდეგ სამკურნალო გზებს ქადაგებს. თუ გვინდა ადამიანის რომელიმე ორგონს (ნაწილს) ვუმკურნალოთ წარმატებით და ხარისხიანად, აუცილებელია ადამიანის ორგანიზმში ჩადებული საერთო რეზერვებისა და დაავადებულ ორგანოსთან (ნაწილთან) კავშირში მყოფი ორგანოების (ნაწილების) რეზერვებისა და შესაძლებლობების გამოყენება.
     მაგალითისათვის განვიხილოთ აღმოსავლური მედიცინით დადგენილი ზოგიერთი ძირითადი ორგანოების ურთიერთკავშირის სქემა.

სქემაზე ნაჩვენებია აღნიშნულ ორგანოებს შორის ურთიერთ ზემოქმედების მიმართულებები. ასე მაგალითად ღვიძლის მდგომარეობა განსაზღვრავს გულის მდგომარეობას, გული - კუჭს, კუჭი - ფილტვებს, ფილტვები - თირკმელებს, ხოლო ეს უკანასკნელი განსაზღვრავს ღვიძლის მდგომარეობას. გარდა წრიული თანმიმდევრული ზემოქმედებისა ორგანოები ჯვარედინათაც ზე-მოქმედებენ ერთმანეთზე. ღვიძლი კუჭზე, კუჭი თირკმელებზე, თირკმელები გულზე, გული ფილტვებზე, ფილტვები ღვიძლზე. ამ პრინციპებიდან გამომდინარე თუ გვინდა დაავადებულ კუჭს ვუმკურნალოთ მაქსიმალურად უნდა გავაძლიეროდ ღვიძლი და გული. გულის მდგომარეობა განსაზღვრავს ღვიძლისა და თირკმელების მდგომარეობას და ასე შემდეგ.
როგორც ზემოთქმულიდან ჩანს დაავადების მკურნალობა სისტემურად უნდა ხდებოდეს.

სტატიის ავტორი: მაიკო ლომსაძე, სრული პროფესორი, დოქტორი