მუსიკა ფლობს მაგიურ ძალას, წამიერად ახდენს გაფანტული გონების კონცენტრაციას და ამშვიდებს აფორიაქებულ სულს“. ეს სიტყვები 3 საუკუნის წინ დაწერა უილიამ კონგრივმა თავის ჰარმონიის ჰიმნში (“Hymn to harmony”). რათქმაუნდა მუსიკა კარგად მოქმედებს გულზე, სულზე და ტვინზე. 

     თავის წიგნში „მუსიკა და ტვინი“ („Music and the mind”) ფსიქოლოგი ენტონი სტორი წერს: მუსიკა გასაოცარ ზეგავლენას ახდენს ადამიანებზე, რომლებიც იტანჯებიან ნერვული სისტემის დაავადებით და მოძრაობის ფუნქციის მოშლილობით. 

     სადაო არ არის ის ფაქტი, რომ მუსიკა როგორ კარგად მოქმედებს ყველანაირ ადამიანზე, ზომიერი მუსიკა აწყნარებს, ამშვიდებს და მაჟორულ ხასიათზე აყენებს მსმენელებს. აქვე უნდა აღინიშნოს, რომ გემოვნებიანი მუსიკა ანვითარებს ტვინის უჯრედებს და ხელს უწყობს ნერვული სისტემის სწორედ ფუნქციონირებას, ამით იმისი თქმა მინდა, რომ მუსიკა დადებითად მოქმედებს ადამიანის ორგანოებზე და სამკურნალო თვისებებითაც ხასიათდება. ამ ყველაფერს მეცნიერული კვლევის საფუძველი აქვს, რომელიც შემდგომში მდგომარეობს. 

     ავსტრიაში ექიმების, კერძოდ, ნევროლოგების, ნეიროქირურგების და ფსიქოლოგების მიერ ჩატარებულ იქნა ექსპერიმენტი. მათ სტუდენტებს შესთავაზეს ასეთი ტესტი, რომლის საშუალებითაც გამოიკვლიეს სტუდენტთა სივრცული აზროვნების ხარისხი. კვლევის ჩატარებამდე 10 წუთით ადრე სტუდენტთა ერთი ჯგუფი უსმენდა მოცარტის მუსიკას, ხოლო მეორე კი ფილიპ გლასს. შედეგი იყო გასაოცარი, სტუდენტთა იმ ჯგუფს, რომელიც უსმენდა მოცარტს, აღენიშნა შემოქმედებით ძალების მოზღვავება, ვიდრე იმ სტუდენტებს, რომლებიც უსმენდნენ ფილიპ გლასს. 

     სურდოლოგები (სმენის დეფექტების შემსწავლელი სპეციალისტები) და ლოგოპედები აღნიშნავენ, რომ კლასიკურ მუსიკას გააჩნია სამკურნალო ეფექტი. კერძოდ, მოცარტის მუსიკის ეფექტი განპირობებულია მასში მაღალი სიხშირის ტალღების პრევალირებით. ეს ბგერები აძლიერებენ შუა ყურის მიკროსკოპულ კუნთებს და ამავ დროულად 3000-დან 8000 ჰერცი და მეტი სიხშირის ბგერები იწვევენ განსაკუთრებით მაღალ რეზონანსს თავის ტვინის ქერქში, რაც აუმჯობესებს მეხსიერებას, ასტიმულირებს აზროვნებას, თრგუნავს ათეროსკლეროზის განვითარებას. 

     ფსიქიატრიაში მუსიკა ინტენსიურად გამოიყენება პაციენტთა დასაწყნარებლად და ნერვული აღგზნებადობის ჩასახშობად. ფსიქო-ნევროლოგების და ფსიქიატრების დაკვირვებით, განსაკუთრებული ეფექტით ხასიათდება სიმებიან ინსტრუმენტებზე შესრულებული მუსიკა, წუთში 64 მეოთხედი ნოტით. ჩვენი გულის შეკუმშვათა რიტმი შეადგენს საშუალოდ 68-72 დარტყმას ამიტომაც მისაღებია ბახის, ჰენდელის, ვივალდისა და კორელის მუსიკა, რომლებიც წუთში მხოლოდ 60 მეოთხედ ნოტს შეადგენს. ამ მუსიკის მოსმენისას ადამიანიც თავისდაუნებურად დუნდება და ისვენებს. 

     ადრე იტალიელები აღნიშნავდნენ, რომ ხმაურიანი, სწრაფი და დისონანსური მუსიკა, პირიქით, უფრო ასუსტებს ორგანიზმს, მაგრამ იაპონელების მიერ ჩატარებულმა ახალმა კვლევებმა ცხადყო, რომ ჯაზი და რეპი ააქტიურებს ადამიანის ორგანოებს, აწესრიგებს სისხლის მიმოქცევას და ამავდროულად კარგად ამარაგებს ტვინს სისხლით. 

     ამ მოკლე მიმოხილვის შემდეგ ისღა დამრჩენია შემოგთავაზოთ იმ მუსიკათა მიმდინარეობები, რომლებიც დადებითად მოქმედებენ ადამიანთა სხვადასხვა დაავადებებზე, კერძოდ: