როგორ დავანებოთ თავი მოწევას ? ნიკოტინი ერთ-ერთი ყველაზე საზიანო, თუმცა ყველაზე ფართოდ გამოყენებული და ხელმისაწვდომი, კანონიერი ნარკოტიკია მსოფლიოში. ის იწვევს ძლიერ დამოკიდებულებას და საზიანოა როგორც მათთვის, ვინც ეწევა, ასევე პასიური მწეველებისთვისაც, განსაკუთრებით კი ბავშვებისთვის. თუ გინდათ მოწევას თავი დაანებოთ და არ იცით საიდან დაიწყოთ, შექმენით კარგად გათვლილი გეგმა. გაიაზრეთ რატომ გსურთ თავის დანებება, მოემზადეთ წარმატებისთვის და გეგმა წინ წასწიეთ სხვების მხარდაჭერით, გვერდში დგომითა და მედიკამენტური მკურნალობით. მოწევისთვის თავის დანებება რთულია, მაგრამ შეუძლებელი არაა. დაფიქრდით თუ მართლა გსურთ მოწევისთვის თავის დანებება. ნიკოტინი იწვევს ძლიერ დამოკიდებულებას და მისთვის თავის დანებებას დიდი გამძლეობა სჭირდება. ჰკითხეთ საკუთარ თავს სიგარეტისთვის თავის დანებება უფრო გიზიდავთ თუ მოწევის გაგრძელება. თუ პასუხი თავის დანებებისკენ გადაიხრება, მაშინ იპოვეთ მიზეზი, რის გამოც გსურთ თავის დანებება. როდესაც სირთულეს წააწყდებით, ეს მიზეზი გზის გაგრძელებაში უნდა დაგეხმაროთ. ·                          დაფიქრდით რა გავლენა აქვს მოწევას თქვენი ცხოვრების მნიშვნელოვან ასპექტებზე: თქვენს ჯანმრთელობაზე,  ცხოვრების სტილსა და თქვენ საყვარელ ადამიანებზე. დაფიქრდით, რა უფრო მნიშვნელოვანია თქვენთვის: ეს ყველაფერი, თუ მოწევა. განსაზღვრეთ რატომ გსურთ თავის დანებება. ჩამოწერეთ მიზეზები. ეს მიზეზები ძალიან მკაფიოდ უნდა იყოს გამოთქმული, რადგან მოგვიანებით აუცილებლად მიმართავთ ამ სიას, თუ ცდუნების წინაშე დადგებით. ·                          მაგ: მინდა მოწევას თავი დავანებო… ასე შევძლებ ვირბინო და ჩემ შვილთან ერთად ფეხბურთი ვითამაშო. მეტი ენერგია მექნება და მოვესწრები ჩემ შვილიშვილებს და ა.შ. მოემზადეთ ნიკოტინისთვის თავის დანებების შემდგომი სიმპტომებისთვის. გვერდითი მოვლენები შეიძლება მოიცავდეს გაღიზიანებას, დეპრესიას, თავის ტკივილებს, გამოუძინებლობის და სისუსტის შეგრძნებას, კონცენტრირების პრობლემებს ან მადის მომატებას. ·                          თავის დანებებას შეიძლება ერთზე მეტი ცდა დასჭირდეს. 45 მილიონი ამერიკელი იღებს ნიკოტინს და პირველ ცდაზე მხოლოდ ხუთმა მილიონმა შეძლო თავის დანებება. აირჩიეთ თარიღი. გეგმისთვის თარიღის მინიჭება მას სტრუქტურას შემატებს. მაგალითად, აირჩიეთ მნიშვნელოვანი დღე, დაბადების დღე ან დასვენების დღე, ან უბრალოდ აირჩიეთ ციფრი, რომელიც მოგწონთ. ·                          თავის დანებება გადაწყვეტილების მიღებიდან უახლოეს 2 კვირაში უნდა დაიწყოთ. ეს დროს გაძლევთ მოსამზადებლად, რომ უცაბედი სტრესი არ მიიღოთ. არჩიეთ მეთოდი. გადაწყვიტეთ ერთიანად გირჩევნიათ თავის დანებება, თუ ყოველდღიურად შემცირებით. თუ ამ უკანასკნელს აირჩევთ, ეს ნიშნავს, რომ თქვენ ყოველდღე შეამცირებთ სიგარეტების რაოდენობას. ამ შემთხვევაში უნდა დაგეგმოთ როდის და რამდენით შეამცირებთ სიგარეტის მოხმარებას. მაგალითად: “ყოველ ორ დღეში ერთხელ ერთი სიგარეტით ნაკლებს მოვწევ”. უფრო ეფექტური იქნება თუ თქვენივე მეთოდს ფსიქოლოგთან კონსულტაციას და მედიკამენტებს დაუმატებთ. მოემზადეთ გაძლიერებული სურვილისთვის. შეგიძლიათ ხელის ილეთი სცადოთ. პირთან მიიტანეთ ხელი ისე, როგორც სიგარეტი გიჭირავთ, ოღონდ სიგარეტი ჩაანაცვლეთ დაბალ კალორიული წასახემსებლით, მაგალითად ქიშმიშით, პოპკორნით ან ბრეცელით. მოწევის ძლიერ სურვილთან ბრძოლა შესაძლებელია სეირნობით, სამზარეულოს დალაგებით ან იოგით. იმპულსები შეგიძლიათ საღეჭი რეზინით დათრგუნოთ. მოწევის ძლიერ სურვილთან ბრძოლა შესაძლებელია: სეირნობით, სამზარეულოს დალაგებით ან იოგით. იმპულსები შეგიძლიათ საღეჭი რეზინით დათრგუნოთ. სიგარეტისთვის თავის დანებებამდე მოემზადეთ. გარეცხეთ ლოგინი და ტანსაცმელი სიგარეტის სუნის მოსაშორებლად. მოიშორეთ საფერფლეები, სიგარეტები და სანთებელები. კარგად გამოიძინეთ, ეს სტრესის რისკებს შეამცირებს. გაითვალისწინეთ თქვენი სახიფათო ზონები. ძალიან ბევრ ადამიანს სიგარეტი უნდება ყავის დალევის, დათრობის შემდეგ ან პრობლემის გადაჭრის დროს. გაიხსენეთ ადგილები, სადაც რთული იქნება მოწევაზე უარის თქმა და შეიმუშავეთ გეგმა რას იზამთ ასეთ სიტუაციაში. დაიმახსოვრეთ ავტომატური პასუხი: „არა, მადლობა, ჩაის დავლევ“ ან „არა, ვცდილობ თავი დავანებო“. აკონტროლეთ სტრესი. ღრმად ისუნთქეთ. რ შეწყვიტოთ გეგმა მაშინაც კი, თუ გზაში სირთულეებს წააწყდით. თუ ჩავარდნა გექნებათ, მიუტევეთ საკუთარ თავს. შეახსენეთ, რომ თავის დანებება გრძელი და რთული გზაა და დაუბრუნდით გეგმას. იფიქრეთ ელექტრონული სიგარეტის  ან ნიკოტინის ფილტრის გამოყენებაზე.  მიუხედავად იმისა, რომ ელექტრონული სიგარეტი გეხმარებათ თავის დანებებაში, ისიც საშიშია, რადგან ელექტრონული სიგარეტიც შეიცავს ნიკოტინს და თითქმის იგივე მომწავლელ ნივთიერებებს სიგარეტის მსგავსად. მიიღეთ პროფესიონალური დახმარება. ქცევითი თერაპია  მედიკამენტურ მკურნალობასთან ერთად ზრდის წარმატების შანსებს. თუ თქვენით თავს ვერ ანებებთ, იფიქრეთ პროფესიონალის დახმარებაზე. თქვენი ექიმი აგიხსნით მედიკამენტური მკურნალობის არსს. კოგნიტური ქცევითი თერაპია დაგეხმარებათ თქვენი აზრების და დამოკიდებულების შეცვლაში.